Ыам ыйын 22 күнүгэр Саха өрөспүүбүлүкэтигэр Ырыа күнүнэн, кэтэһиилээх самаан сайыммыт салаллан кэлбитинэн «Дуэттар дьүөрэлэһиилэрэ»-«Гармония дуэтов » кэнсиэр буолла. Кэнсиэргэ «Күнчээнэ», «Кэнчээри» уһуйаан иитиллээччилэрэ, «Энергия», «Дьол көлүччэтэ» бөлөхтөр үҥкүүһүттэрэ, дуэтынан толорор ырыаһыттар, кырыымпаһыттар кыттыыны ыллылар. Мустубут дьон норуот уостан түспэт ырыаларын күргүөмүнэн ыллаатылар, айар холбоһук дуэттары таайыы викторинаҕа көхтөөхтүк кытыннылар.
Сонун, сэргэх кэнсиэри Евдокия Аммосова, Павел Москвитин ыыттылар.
