Сэтинньи 28 күнүнэр «Мындааба» сынньалаҥ киинигэр Россия Ийэлэрин күнүн көрсө «Кэрэ ситим» диэн кыыс ийэтинээн, эбэ сиэн кыыһынаан кыттар күрэхтэрэ ыытылынна. Эрдэ биллэриллибит балаһыанньанан конкурс түөрт түһүмэҕинэн барда: бэйэни билиһиннэрии, талааны көрдөрүү, дьиэ кэргэн сөбүлүүр дьарыга (хобби) уонна маанытык таҥнан хаамыы (дефиле). Бу тургутуулары ааһан, түмүккэ бастакы миэстэни Ксения, Камилла Лукачевскайдар, иккиһи Валентина Лукина сиэнинээн Арина Пестряковалыын, үһүс миэстэни Алена, Анжелина Мылахановалар ыллылар. Кыайыылаахтар дипломунан уонна сертификатынан наҕаарадаланнылар.
