Билиҥҥи туругунан, улууска дьон олорор сирдэригэр 5 баһаар бэлиэтэннэ, үс киһи уокка былдьанна. Былырыын баччаҕа 10 баһаар бэлиэтэммитэ. Баһаардар тахсыбыт төрүөттэрэ: оһох турбатыттан – 1 баһаар, электрическэй оборудованиеттан – 1 баһаар, 3 баһаар төрүөтэ быһаарылла сылдьар. Бу баһаардар 4 чааһынай дьиэҕэ, 1 баанньыкка буоллулар.
Баһаардар буолбаттарын туһугар хас биирдии киһи – кыратыттан улаханыгар диэри – уокка-күөскэ сэрэхтээх буолуу ирдэбиллэрин тутуһуохтаах.
• Сайыҥҥы кэмҥэ оһоххут турбатын умайыы тахсыбатын туһугар ирдэбилгэ эппиэттиир гына көрөн оҥороргутугар.
• Дьиэ уотун ситимин аныгы проводынан саҥардаргытыгар. Рубильник, счетчик, розетка, выключатель истиэнэҕэ умайбат олоххо саайыллыахтаахтар, электрическэй плитка, өтүүк, чаанньык, онтон да итийэр бытовой прибордар умайбат олоххо ууруллуохтаахтар.
• Дьиэттэн тахсан барарга уоту-күөһү арааран баран тахсаргытын умнумаҥ.
• Сааскы ырааһырдыы кэмигэр уулуссаҕа бөҕү уматыы, дьиэ таһын өртөөһүн бобуллар.
• Кыра оҕону дьиэҕэ соҕотохтуу кылгас да бириэмэҕэ хаалларымаҥ, таһыттан хатаамаҥ.
• Оҕолорго уоттан, буруоттан сэрэхтээх буоларга, быыһанарга үөрэтии хайаан да наада.
Олорор дьиэҕитигэр, сиргэ-тыаҕа баһаар буолбатын туһугар уоту-күөһү сэрэхтээхтик туттаргытыгар, баһаарынай үлэһиттэринэн бэриллибит ирдэбиллэри тутуһаргытыгар ыҥырабыт.
